నువ్వు వస్తావని నేను,

నేను పిలుస్తానని నీవు....

ఒకే ఒడ్డున ఎవరికీ

కాకుండా నిలుచున్నాం..

అడిగితే చెబుదామని నేను,

చెబితే విందామని నువ్వు.....

మనిద్దరి మధ్యన -

ఆహాల గోడలు

నిర్మించుకున్నాం.

మౌనం మాటలుగా మారి,

గుండెలోతుల్లో గొంతుకను-

దాచేసింది.

కనురెప్పల మాటున

దాగిన కలల రూపం-

చూసింది ఎవరు?

అందుకే నా ఆవేదనను -

ఇలా నివేదన చేస్తున్నాను..!

నా కళ్ళ వాకిళ్ళలో స్వప్నాల

తోరణాలు కట్టి వేచివున్నాను-

నువ్వు వస్తావని...!

ఆశ పడ్డ మనసు -

భంగపడదు కదా.......!!